રાગ: ઇંસાફ કી ડગર પે બચ્ચો દિખાઓ ચલકે.....
જીવનવિકાસ કરવા, અમને વિદાય આપો;
શ્વાસો નવીન ભરવા, અમને વિદાય આપો.
આગળ જઇને કરશું અમે નામ સૌનું રોશન;
જીવતાં સુધી કરીશું અમ દેશ કેરું રક્ષણ.........2
કલ્યાણકાર્ય કરવા, અમને વિદાય આપો.
શ્વાસો નવીન ભરવા, અમને વિદાય આપો.
હસતા રહી સદાયે કામો બધાય કરશું;
સાહસને શૂરતાથી આફતને પાર કરશું..........2
દુ:ખ સામે હામ ભરવા, અમને વિદાય આપો;
શ્વાસો નવીન ભરવા, અમને વિદાય આપો.
બસ, પ્રાર્થના છે એક જ; અમ સૌની આ વિદાયે,
માતા સરસ્વતીની રહેજો કૃપા સદાયે...........2
ઋણ આપનું ચૂકવવા, અમને વિદાય આપો;
શ્વાસો નવીન ભરવા, અમને વિદાય આપો.
-'જિત' ઠાડચકર
